Prokuroria Themelore Publike (PTHP) pas një viti nga dorëzimi, për herë të parë ka marrë aktivitete për padinë penale ndaj Mitko Çavkovit për sulmin e Njësitit për Shpërndarjen e Shpejtë në selinë e Parlamentit Studentor më 30 qershor vitin e kaluar.
Padia penale është dorëzuar nga Komiteti i Helsinkit më 29 shtator 2016, kundër drejtorit të atëhershëm të Byrosë për Siguri Publike, Mitko Çavkov, përcjell Telegrafi Maqedoni.
Më 30 qershor vitin e kaluar, votimet për zgjedhjen e liderit të studentëve për të cilat Plenumi Studentor alarmoi se ka shumë parregullsi dhe shkelje ligjore, Njësiti për Shpërndarje të Shpejtë me dhunë u fut në selinë e Parlamentit Studentor dhe ushtroi dhunë ndaj studentëve.
Para ndërtesës u paraqitën edhe një numër i madh i qytetarëve, të cilët kundërshtuan policinë pasi ngritën dorë mbi studentët, ndërsa zgjedhjet e studentëve kulminuan me përdorimin e dhunës.
Në këtë ngjarje mes dëshmitarëve të propozuar përveç deputetes Ivanva Tufegxhiq, janë edhe kryetarja e Komitetit të Helsinkit, Uranija Pirovska, aktorja Ivana Pavlloviq dhe gazetari Borjan Jovanovski./Telegrafi/
