Ministria e Punëve të Brendshme me urdhër të Prokurorisë Themelore Publike (PTHP), gjatë ditës së djeshme ka realizuar aksion kundër një grupi të organizuar, i cili sipas PTHP-së për një kohë të gjatë është marrur me shitjen e llojeve të ndryshme të lëndëve narkotike në gjithë shtetin, përcjell Telegrafi Maqedoni.
Pas ngritjes së kallëzimit penal për tetë persona nga Prilepi, Manastiri dhe Haraçina, prokurori kompetent me urdhër të gjykatës caktoi masën – paraburgim për pesë personat e dyshuar dhe burg shtëpiak për një të dyshuar.
Personat akuzohen se kanë kryer veprën – prodhim joligjor dhe lëshim në përdorim të lëndëve narkotike, në pajtim me nenin 214, ndërsa njëri i dyshuar akuzohet se ka kryer veprën – larje parash, nga neni 273 nga Kodi Penal./Telegrafi/