PSUKM shpreh keqardhje për përpjekjen e Plenumit studentor për ta penguar votimin për zgjedhje të liderit të ri të studentëve, me se edhe njëherë tregoi se është politikisht i motivuar dhe nuk punon për studentët dhe dinjitetin e studentëve, kanë reaguar nga Parlamenti studentor i UKM, transmeton Telegrafi Maqedoni.
“Lidhur me spekulimet të cilët dolën në një pjesë të mediave kinse janë vjedhur tre kuti votimi, do të kishim dashur ti demantojmë dhe të theksojmë se informatat e tilla kanë qëllim tendencioz për ti skandalizuar zgjedhjet e lira dhe demokratike të cilët janë shënjestër e vazhdueshme të qarqeve të caktuara politike” thuhet në reagimin e PSUKM.
“Edhe pse gjatë votimit dërguam apel që të respektohet e drejta e votës së studentëve, Plenumi studentor i motivuar politikisht tërë kohën përpiqej ta prish procesin zgjedhor”.
Sot edhe krahas të gjithë presioneve dhe pengesave të zgjedhjeve nga ana e Plenumit studentor, fitoi demokracia dhe fituan studentët me se u dëshmua se nuk do të ketë përkulje të lëvizjes studentore ndaj iniciativave të ndryshme politike dhe përpjekjeve për politizim të lëvizjes studentore”, përfundojnë nga Parlamenti studentor i UKM./Telegrafi/