Seanca e sotme për rastin “Tortura” është anuluar sepse në seancë nuk është paraqitur i akuzuari Metush Shabani. Avokati i tij sqaroi e Shabani ka probleme shëndetësore, gjegjësisht dhimbje në këmbë, me çka ka paraqitur vërtetim mjekësor.
Gjyqtarja konstatoi se për gazetaren Olivera Trajkovska nuk është dorëzuar në mënyrë të rregullt ftesa për të dëshmuar në seancë. Trajkovska, siç tha gjyqtarja, nuk është lajmëruar në dera e shtëpisë për ta mare ftesën. Për ish-zëdhënësin e MPB-së, Ivo Kotevski, i cili është ftuar për dhënie të dëshmisë, nuk është konfirmuar nëse e ka pranuar ftesën.
Biznesmeni Orce Kamçev e ka pranuar ftesën për dëshmi më pesë qershor, por sot nuk është paraqitur në seancë. Prokurio nga PSP, Ljubomir Lale, kërkoi që Kamçev të sillet i shoqëruar nga policia.
Në lëndën e PSP-së “Tortura” të akuzuar janë ish-drejtori i DSK-së Sasho Mijallkov, njeriu i parë i “Alfave” Ivica Antevski-Puki dhe pesë persona tjerë për arrestimin e liderit të partisë “Të bashkuar për Maqedoninë”, Ljube Boshkovskin në vitin 2011.
Lënda është në fazën e dëshmive. Seanca e parë për këtë rast është zhvilluar më 28 shkurt të vitit 2018./Telegrafi/