Prokuroria Speciale Publike ka propozuar në Kuvendin e Maqedonisë ndryshimin e pesë neneve në Ligjin për mbrojtjen e dëshmitarëve e që pastaj të merr në shqyrtim lëndët ”Monstra”, ”Sopoti” dhe ”Martin Neshkovski”, përcjell Telegrafi Maqedoni.
Me nenin e parë të propozuar nga PSP-ja parashihet që dëshmitarët e mbrojtur të mos njihen nga asnjë organ tjetër përveç institucioneve që e kanë kërkuar dëshminë e dëshmitarit në fjalë.
Me nenin e dytë PSP kërkon që t’i mundësohet PSP-së të ndjek të gjithë rastet që janë përmendur në aferën e përgjimeve ilegale.
Me nenin e tretë PSP kërkon që mbrojtja e dëshmitarëve të vazhdojë edhe pas dëshmive të tyre por edhe pas mbylljes së lëndës për të cilën ata kanë dëshmuar.
Me nenin e katërt PSP kërkon që dëshmitarët te sigurohen me procedurë të përshpejtuar nga organet policore që të mos ndalohe dhe të stagnohen hetimet.
Me nenin e pestë PSP kërkon që vendimin për dëshmitarët e mbrojtur që ta sjell edhe Prokuroria Themelore Publike e Maqedonisë, në rast nevoje./Telegrafi/
Propozimet për ndryshimin e neneve mund t’i gjeni këtu!