PSG pranon ofertën rekorde të Al Hilal për Mbappen

Paris Saint-Germain ka pranuar ofertën rekorde të Al Hilal prej 300 milionë euro për të nënshkruar me Kylian Mbappen.

PSG në pronësi të Katarit beson se të paktën pesë klube janë të interesuara për nënshkrimin e kapitenit të Francës, raporton Sky Sports News.

Kampionët francezë i kanë dhënë leje Mbappes të flasë me klubin saudit.

Lexo po ashtu Paga e çmendur e Mbappes: Sa fiton francezi në sekondë, minutë, orë, ditë, javë, muaj dhe vit

24-vjeçari ishte nxjerrë në shitje nga kampionët francezë, të cilët e kanë lënë gjithashtu jashtë turneut parasezonal të klubit në Japoni dhe Korenë e Jugut.

PSG bëri të ditur se do të përfshinte vetëm lojtarë që besojnë se janë të përkushtuar ndaj klubit.

Marrëdhëniet mes Mbappes dhe PSG kanë qenë të tensionuara që kur sulmuesi francez tha muajin e kaluar se nuk do të rinovonte kontratën e tij, e cila skadon në fund të sezonit të ardhshëm, kur ai mund të largohej falas nga Parisi. /Telegrafi/