Paris Saint Germain ende nuk janë të kënaqur me portierët.
Edhe pse në pozitën e portierëve janë Areola dhe Kevin Trapp, PSG kërkon sërish përforcime.
Portieri fantastik i Romës, Alisson Becker është bërë objektivi kryesor i gjigantit francez PSG.
E përditshmja franceze L’Equipe ka shkruar se kolonia braziliane tek Parisi kërkon Alissonin në portë.
Vështirë se Roma do të lejoj largimin e brazilianit i cili ka qenë njeriu kryesor i kësaj Rome të fuqishme në Serie A dhe në Ligën e Kampionëve.
Gjithsesi sipas mediave italiane PSG do të tentoj transferimin e Alissonit me një oferté mbi 35 milionë euro.
Alisson iu bashkua Romës dy vite më parë nga skuadra braziliane Internacional për tetë milionë euro.
25-vjeçari ka luajtur 15 ndeshje këtë edicion me Romën ku nëntë nga to e ka mbajtur portën e pa prekur. /Telegrafi/