Skuadra e PSG që do të rreshtohet kundër Lens të enjten për të filluar sezonin e tyre të Ligue 1, por skuadra që do të futet në fushë do të jetë pothuajse e panjohur nga ajo që luante në finalet e Ligës së Kampionëve.
Kampionët francezë janë shkatërruar nga coronavirusi dhe janë pa shtatë yje të ekipit të parë që iu është dashur të karantinohen.
Ajo që po i ndodh PSG-së, mund tu ndodh pothuajse të gjitha skuadrave në mesin e kampionatit, nëse i kap virusi njëjtë dhe lojtarët do të kenë kontakt njëri me tjetrin.
Kylian Mbappe është emri i fundit i madh që është goditur nga COVID-198, duke lënë Francën për ndeshjen me Kroacinë.
21-vjeçari do të humbasë ndeshjen e së enjtes kundër Lens dhe ndeshjen e madhe të së dielës ndaj Marseille së bashku me gjashtë lojtarë të tjerë.
Neymar, një tjetër lojtar i madh i PSG-së po ashtu nuk do të luajë. Sipas L’Equipe , braziliani doli pozitiv pasi shkoi në një pushim të fund sezonit në Ibiza. Me të ishin edhe Angel Di Maria dhe Leandro Paredes, që po ashtu rezultuan pozitivë.
Dhe gjërat shkuan edhe më keq për PSG-në vetëm dy ditë më vonë kur Mauro Icardi, Keylor Navas dhe Marquinhos po ashtu u raportuan se janë pozitiv me coronavirus.
Kështu që shtatë yje të ekipit startues do të mungojnë Thomas Tuchelit për dy ndeshjet e para të sezonit të tyre në Ligue 1.
Sergio Rico pritet të jetë në portë, ndërsa Thilo Kehrer mund të luajë në vend të Marquinhos.
Në mesfushë skuadra është solide pasi ka emra si Marco Verratti, Idrissa Gueye dhe Ander Herrera.
Në sulm mund të luajë Julian Draxler, Pablo Sarabia dhe Eric Maxim Choupo-Moting. /Telegrafi/