Presidenti i Paris Saint-Germain, Nasser Al-Khelaifi, ishte në Madrid të enjten duke shkaktuar spekulime për një lëvizje për portierin e Atletico Madridit, Jan Oblak.
Portieri slloven, Oblak ka qenë i lidhur me një lëvizje prej 100 milionë eurove te PSG këtë javë.
Sipas gazetës spanjolle AS, së bashku me Al-Khelaifin, agjenti Marcelo Simonian ishte gjithashtu në qytet. Midis klientëve të Simonian është mesfushori i PSG-së, Javier Pastore.
Mendohet se mesfushori me tipare sulmuese argjentinas do të përfshihet në ofertën e gjigantit francez për Oblak.
Megjithatë, natën e kaluar u raportua se Al-Khelaifi nuk kishte kontakt me zyrtarët e Atleticos gjatë ditës. /Telegrafi/