PSG ka prezantuar trajnerin e ri, Christophe Galtier, i cili ka zbarkuar në Paris me objektivin për të fituar Ligën e Kampionëve.
Trajneri i ri është i shtati me radhë që është i punësuar nga presidenti Nasser Al Khelaifi.
Klubi francez ka shpenzuar më shumë se 40 milionë euro për të shkarkuar trajnerë që i kishte, pasi shumica prej tyre kishin kontrata valide.
Konkretisht, nga katër drejtuesit e fundit të dhomave të zhveshjes, vetëm spanjolli Unai Emery e përmbushi kontratën e tij. Ajo i mbaroi, nuk rinovoi, u dha dorën të gjithëve dhe shkoi në Ligën Premier.
Por ky nuk ka qenë trendi i zakonshëm. PSG-së i është dashur të kompensojë Mauricio Pochettinon, të cilit i kishte mbetur edhe një vit nga kontrata, me rreth 10 milionë euro.
Para argjentinasit ishte Thomas Tuchel, i cili u largua para kohe dhe klubi do të paguante pak më pak se 7 milionë euro.
Pas shkarkimit, trajneri udhëtoi drejt Londrës dhe shkëlqeu me Chelsean, duke e fituar edhe Ligën e Kampionëve.
Në këtë listë të dëmshpërblimeve një vend të veçantë zë francezi Laurent Blanc. Në vitin 2017, klubit të Parisit iu desh t’i paguante atij më shumë se 20 milionë euro për shkarkimin, pasi i kishin mbetur edhe dy sezone në kontratë sepse sapo kishte rinovuar.
Pa dyshim, PSG është në kërkim të një trajneri që do ta çojë në fitoren e parë e të Ligës së Kampionëve, por kjo, përveç pagave të larta klubit po i kushton edhe me shkarkimet e shpeshta, pasi shumë trajnerë nuk po arrijnë t’i përmbushin objektivat. /Telegrafi/