Paris Saint-Germain ka luajtur baras me rezultat 2-2 në shtëpi ndaj Reims në kuadër të xhiros së 25-të në elitën e futbollit francez.
Pjesa e parë ishte ajo që përcaktoi fatin e këtij takimi pasi në harkun e 45 minutave u shënuan katër gola.
Marshall Munetsi (7’) në portën e zbrazët shënoi për t’i dhënë epërsinë prej 1-0 ekipit të Reims.
PSG-ja barazoi shifrat në 1-1 në minutën e 17-të, kur Yunis Abdelhamid në përpjekje për ta spastruar topin nga zona e çoi atë në rrjetën e portës së tij.
Vendasit nuk u ndalën dhe vetëm dy minuta më vonë Goncalo Ramos (19’) shënoi për epërsinë e PSG-së prej 2-1.
Mysafirët reaguan krejt në fundin e pjesës së parë kur Oumar Diakite (45’) tregoi një qetësi të madhe brenda zonës duke shënuar për rezultatin 2-2.
⏸️ Half-time at the Parc#𝐏𝐒𝐆𝐒𝐃𝐑 | 𝟐-𝟐 pic.twitter.com/Gb8u8tGtMG
— Paris Saint-Germain (@PSG_English) March 10, 2024
Në pjesën e dytë të dyja skuadrat patën disa raste të mira shënimi, megjithëse rezultati mbeti i paprekur dhe u desh që të pajtoheshin me nga një pikë.
PSG-ja pas kësaj ndeshje shkon në kuotën e 56 pikëve të grumbulluara si lider i Ligue 1, ndërsa Reims gjen veten në pozitën e nëntë me 35 sosh./Telegrafi/