Paris Saint-Germain ka konfirmuar se Marco Verratti po vazhdon trajtimin e tij dhe do të kthehet në stërvitje në grup pas pushimit ndërkombëtar, ndërsa ka dhënë detaje edhe për lëndimet e Lionel Messit, Sergio Ramosit, Leandro Paredesit, Rafinhas dhe Presnel Kimpembes.
Italiani pësoi një lëndim në ijë gjatë ndeshjes Marseille-PSG më 24 tetor dhe do të mungojë në ndeshjen kualifikuese të Italisë për Kupën e Botës kundër Zvicrës javën e ardhshme.
Ai gjithashtu pritet të mungoj në përballen e PSG-së në Ligën e Kampionëve kundër Manchester Cityt më 24 nëntor.
Gjigantët e Ligue 1 kanë publikuar një përditësim mjekësor përpara ndeshjes së nesërme kundër Bordeaux, ku ka në folur për lëndimin e Verrattit, Messit dhe Ramosit.
Medical update 🔴🔵#FCGBPSG@Aspetar
— Paris Saint-Germain (@PSG_English) November 5, 2021
“Marco Verratti po vazhdon trajtimin e tij. Rikthimi në stërvitje është planifikuar pas pushimit ndërkombëtar”, thuhet në një deklaratë zyrtare.
“Lionel Messi vazhdoi trajtimin e tij në Qendrën Stërvitore Ooredoo këtë mëngjes për dhimbjet e gjurit dhe kofshës së pasme të këmbës”.
🎙️💬 Pochettino: "Leo Messi is not available for tomorrow's game." #PSGlive | #FCGBPSG
— Paris Saint-Germain (@PSG_English) November 5, 2021
“Leandro Paredes vazhdon punën e tij rehabilituese dhe atletike në fushë në Qendrën e Trajnimit Ooredoo”.
“Sergio Ramos do të rikthehet me grupin javën e ardhshme”.
“Rafinha do të ketë 5 ditë trajtim për dhimbjen në kofshën e djathtë”.
“Presnel Kimpembe, i cili vuan nga një dëmtim në kofshën e këmbës së majtë, do t’i nënshtrohet trajtimit për 10 ditët e ardhshme në Qendrën Trajnuese Ooredoo”, thuhet në njoftimin e klubit parisien. /Telegrafi/