Paris Saint Germaini ka fituar ndaj Bordeaux në Ligue 1 me rezultat 6-2.
Vendasit sulmuan nga fillimi deri në fund dhe kjo ishte një fitore e lehtë për ata. Por, më e bukura e këtij takimi ishte se Neymar dhe Edison Cavani u bën përsëri shokë pas incidentit që kishin në takimin ndaj Lyonit.
https://twitter.com/TafadzwaMunemo/status/914157898565120003
Goli i parë në takim erdhi në minutën e pestë nga Neymar, i cili shënoi gol fantastik nga gjuajta e lirë.
Braziliani asistoi te goli i Cavanin në minutën e 12-të, ndërsa në minutën e 21-të shënoi edhe Thomas Meunier.
Në minutën e 31-të për mysafirët shënoi Younousse Sankhare, por Neymar iu përgjigj me gol nga pika e bardhë nëntë minuta më vonë.
Në minutën e 45-të shënoi edhe Julain Draxler dhe me rezultatin 5-1 përfundoi pjesa e parë.
Golin e vetëm për PSG në pjesën e dytë e shënoi Kylian Mbappe, ndërsa mysafirët shënuan edhe një herë në minutën e 90-të, këtë herë Malcom nga pika e bardhë.
Pas kësaj fitore klubi nga Parisi vazhdon kryesimin në Ligue 1 me 22 pikë, ndjekur nga Monaco me 19. Bordeaux renditet në vendin e tretë me 15 pikë.
PSG në xhiron tjetër luan ndaj Dijonit. /Telegrafi/