Tesla së fundmi njoftoi se po tërheq dy milionë vetura nga tregu amerikan, por autoritetet në Evropë thonë se kjo nuk do të ndikojë në Kontinentin e Vjetër.
Në fillim të kësaj jave, Tesla tha se ishte një lëvizje e nevojshme për të përditësuar softuerin në funksionin autopilot.
Agjencia rregullatore përkatëse tha se funksioni në tregun e Amerikës së Veriut nuk kishte masa të mjaftueshme sigurie për ta mbajtur shoferin “autonom” gjatë drejtimit të automjetit.
Për shkak të kësaj, mënyra e drejtimit mund të trajtohej si autonome nga drejtuesit e pakujdesshëm, dhe kjo, nga ana tjetër, shkakton aksidente.
Përditësimet që do të shpërndahen për automjetet në SHBA do të përfshijnë kryesisht paralajmërime zanore më të forta për të korrigjuar defektin.
Megjithatë, agjencia RDW, e cila është përgjegjëse për licencimin e Teslës për Evropën, thotë se tërheqja e automobilave nga SHBA nuk do të ndikojë në tregun evropian, sepse funksionet e tyre autopilot funksionojnë në një mënyrë tjetër.
Sipas RDW, të dyja teknologjitë klasifikohen si asistenca e shoferit të Nivelit 2, por ka një ndryshim në atë që “lejohen” të bëjnë. /Telegrafi/