Kryetari i Prishtinës, njëherit lideri i PSD-së, është prijësi i listës së liderëve politik më të pëlqyer nga popullata deri në qershor të 2018.
Ahmeti e kryeson listën e liderëve me 64%.
Shpend Ahmeti pëlqehet më së shumti në Komunën e Gjilanit me 83%, ndërsa komuna që më pak e pëlqen atë sipas hulumtimit nga Kantar TNS është Peja me 49%.
Përgjatë viteve 2012 deri në 2018, pëlqyeshmërinë më të madhe Shpend Ahmeti e ka pasur në Qershor të 2014, ndërsa pëlqyeshmërinë më të ulët brenda 6 viteve në fjalë, në Maj të 2013.
Këto të dhëna janë publikuar nga Visar Berisha, menaxhues i projektit të Kantar TNS, Index Kosova në emisionin Debat Plus të RTV Dukagjinit. Hulumtimi është bërë nga viti 2003 deri në këtë vit dhe matja është bërë çdo gjashtë muaj.
