Rregullat e IFAB thonë se një ndeshje ‘nuk zhvlerësohet për shkak të vendimeve të gabuara që përfshijnë edhe VAR-in’, kështu që ndeshja Juventus – Salernitana nuk mund të riluahet pavarësisht se goli i fitores së Bianconerëve u anulua gabimisht.
Bianconerët janë tërbuar me gjyqtarët dhe VAR-in pas barazimit 2-2 kundër Salernitanas në “Allianz Stadium”.
Ata kishin rikuperuar rezultatin pasi ishin duke humbur 2-0, por në fund panë që një gol i fitores nga Arek Milik të anulohej për pozicion jashtë loje të Leonardo Bonuccit.
Mbrojtësi dukej i përfshirë në lojë aktive, por u mbajt në lojë nga Antonio Candreva, i cili nuk u vu re nga VAR në këndin e poshtëm të majtë.
Juventus had a 95th minute winner disallowed last night because VAR only checked for offside on players in the box, ignoring Antonio Candreva playing everyone onside on the wing! 😱🤬 pic.twitter.com/WDkZFhDZvm
— SPORF (@Sporf) September 12, 2022
Sipas Sky Sport Italia, Candreva ishte më afër vijës fundore se çdo lojtar tjetër, kështu që ai po mbante Bonuccin brenda lojës.
Tifozët e Juventusit janë tërbuar në rrjetet sociale dhe disa shpresonin se ndeshja mund të riluhet për shkak të gabimit të VAR.
Megjithatë, protokolli thotë qartë se një gabim nga gjyqtari që është video asistent nuk çon në anulimin e një loje në asnjë rrethanë. /Telegrafi/