Forcat e sigurisë në Venezuelë kanë hedhur gaz lotsjellës dhe plumba gome kundër njerëzve që protestojnë për rezultatin e diskutueshëm të zgjedhjeve të së dielës.
Mijëra njerëz “zbritën” në Karakasin qendror të hënën në mbrëmje, disa duke ecur për kilometra nga lagjet e varfra në malet që rrethojnë qytetin, drejt pallatit presidencial, shkruajnë mediat e huaja, përcjell Telegrafi.
Sipas tyre, protestat shpërthyen në kryeqytetin e Venezuelës një ditë pasi presidenti Nicolás Maduro pretendoi se kishte fituar.
Opozita e ka vlerësuar shpalljen e fitores së Maduro si mashtruese, duke thënë se kandidati i saj Edmundo González fitoi bindshëm me 73.2% të votave.
Sondazhet e opinionit përpara zgjedhjeve sugjeruan një fitore të qartë për kundërshtarin.
El dictador @NicolasMaduro desató de nuevo una oleada de violencia y el pueblo venezolano herido, se siente robado. Se vienen días duros para ellos. Podemos apoyar denunciando, haciendo eco de lo que los venezolanos nos hacen llegar. Fuerza Venezuela pic.twitter.com/qpIukCscxx
— Enrique Gómez (@Enrique_GomezM) July 30, 2024
Partitë opozitare ishin bashkuar pas zotit González në një përpjekje për të rrëzuar presidentin Maduro pas 11 vitesh në pushtet, mes pakënaqësisë së përhapur për krizën ekonomike të vendit.
Një numër vendesh perëndimore dhe të Amerikës Latine, si dhe organizma ndërkombëtarë, përfshirë OKB-në, u kanë bërë thirrje autoriteteve venezueliane që të publikojnë të dhënat e votimit nga qendrat e votimit.
Argjentina është një vend që ka refuzuar të njohë fitoren zgjedhore të presidentit Maduro, dhe si përgjigje Venezuela ka tërhequr diplomatët nga Buenos Aires.
Diplomatët nga gjashtë vende të tjera të Amerikës Latine – Kili, Kosta Rika, Panamaja, Peruja, Republika Domenikane dhe Uruguai – janë tërhequr gjithashtu për atë që ministri i Punëve të Jashtme, Yvan Gil e përshkroi në mediat sociale si “veprime dhe deklarata ndërhyrëse”.
Qeveria e Venezuelës njoftoi gjithashtu një pezullim të përkohshëm të fluturimeve ajrore komerciale për dhe nga Venezuela me Panamanë dhe Republikën Dominikane duke filluar nga ora 20:00 me kohën lokale të së mërkurës.
Huge, HUGE anti-communist uprising happening in Venezuela right this moment.
The world is with you. May you cure yourself of the socialist disease.
— 𝗡𝗶𝗼𝗵 𝗕𝗲𝗿𝗴 ♛ ✡︎ (@NiohBerg) July 29, 2024
Një prani e madhe ushtarake dhe policore ishte në rrugët e Karakasit me qëllim që të përpiqej të shpërndante protestuesit dhe t’i pengonte ata të afroheshin te pallati presidencial.
Turmat e njerëzve brohorisnin “Liri, liri!” dhe bënin thirrje që qeveria të bjerë.
🚨🇻🇪POSTERS OF MADURO ARE BEING TORN DOWN IN VENEZUELApic.twitter.com/K5gny3bW2r https://t.co/gO6Cuv3xax
— Mario Nawfal (@MarioNawfal) July 29, 2024
Në disa zona, postera të presidentit Maduro u grisën dhe u dogjën, ndërsa gomat, makinat dhe mbeturinat janë djegur gjithashtu.
Policia e armatosur, ushtria dhe paraushtarakët e krahut të majtë, të cilët janë me qeverinë, u përleshën me protestuesit dhe bllokuan shumë rrugë rreth qendrës së qytetit. /Telegrafi/