Një grupi i specialistëve të Stomatologjisë, kanë protestuar sot para Ministrisë së Shëndetësisë me kërkesën që të punësohen në institucionet shëndetësore publike.
Përfaqësuesja e këtij grupi, Mirjeta Berisha, pati një takim me këshilltarët e ministrisë dhe grupin punues i cili është duke punuar në plotësimin e ndryshimit të udhëzimit administrativ, në mënyrë që t’ju mundësohet punësimi në Institucionet primare shëndetësore.
Ajo tha që takimi shkoi mirë dhe u premtua që javën tjetër do të marrin një përgjigje.
Sipas saj, janë 120 specialistë të papunë numri i të cilëve po rritet dita ditës.
Protestuesit kanë paralajmëruar se nëse kërkesa e tyre nuk plotësohet, ata do të vazhdojnë me protesta tjera.
