Ditën e sotme, opozita ka zhvilluar një protestë Bashkia e Tiranës. Në këtë protestë nuk kanë munguar tensionet mes policisë dhe protestuesve nga grupimi i ish-kryeministrit Sali Berisha, të cilët kanë goditur me vezë godinën e Bashkisë.
E pranishme ka qenë edhe e bija e Sali Berishës, Argita Berisha dhe ish-presidenti Ilir Meta.
Në këtë protestë ajo ka zgjedhur që të çojë mesazhe jo vetëm me deklarata politike, por edhe me bluzën e saj.
“Lironi liderin e opozitës”, shkruhet në bluzën e Argita Berishës.
Ajo është parë shpesh herë në protestat e organizuara në mbrojtje të ish-kryeministrit, i cili prej 30 dhjetorit ndodhet nën masën e sigurisë “Arrest në burg”. Dalja e saj e shpeshtë në media, është interpretua si një drejtuese e re e PD-së që po bëhet gati, mirëpo ajo ka mohuar një fakt të tillë duke thënë se nuk ka ndërmend të angazhohet në politikë.
Protesta vjen pas disa te arrestuarve për korrupsion në Bashkinë e Tiranës. Opozita kërkon largimin e kryetarit Erion Veliaj. /Telegrafi/
