Imazhet lakuriq të Miley Cyrusit dhe Lady Gagas janë duke u përdorur në artin e rrugës për të sulmuar industrinë e muzikës në ditën e ndarjes së çmimeve Grammy Awards.
Artisti me pseudonimin Sabo, ka shfrytëzuar imazhet e publikuara më parë të Cyrus dhe Gaga për postera të mëdhenj që shfaqen në shikim të parë si reklama të ceremonisë së çmimeve të Grammyt.
Megjithatë, në një inspektim më të afërt, posterat janë shumë më pornografikë se sa do të lejoheshin nga ndonjë reklamë e vërtetë ndërsa The Hollywood Reporter ka mbuluar pjesët intime të imazheve.
Secili poster ka tekstin #WeAllKnew (ne të gjitha i dimë), e cila akuzon njerëzit e fuqishëm të botës së industrisë muzikore dhe kinematografike, të cilët kanë ngacmuar femrat, por edhe kundër atyre që dinin, por nuk thanë asgjë.
Disa nga posterat gjithashtu përfshijnë tekstin “Long Live Music”.
Sabo i ka përdorur imazhet e mara nga Terry Richardson, i cili është akuzuar për ngacmimin seksual të disa modeleve.
“Si mund të hidhërohet dikush me mua dhe askush nuk po mërzitet me industrinë muzikore që i shtyn fëmijët tanë drejt abuzimeve seksuale”, pyeti ai.
Ndryshe, ceremona e ndarjes së çmimeve Grammy Awards do të mbahet sonte në Madison Square Garden të New Yorkut.
Theksojmë se në këtë ngjarjes pos shume personaliteteve botërore do të jenë edhe Dua Lipa dhe Rita Ora. /Telegrafi/