Qindra qytetarë u mblodhën të enjten në mbrëmje për të protestuar kundër qeverisë përpara ndërtesës së Presidencës Serbe në Beograd, e cila u thirr nga organizata “Rezistencë qytetare” një ditë pas heqjes së gjendjes së jashtëzakonshme në Serbi.
Madje, siç raportojnë mediat e huaja, përcjell Telegrafi, në një moment, disa dhjetëra njerëz depërtuan nëpër gardhin mbrojtës para Presidencës dhe u gjenden në hyrje të ndërtesës.
Mediumi serb Danas shkruan se ata tentuan të futeshin brenda saj.
Ispred predsedništva (drugi deo)#BukomProtivDiktature pic.twitter.com/OfqL3KZlks
— 𝔅𝔬𝔟𝔞𝔫 (@bobvuja) May 7, 2020
Protestuesit, me të cilët ishte bashkë edhe udhëheqësi i lëvizjes opozitare Dveri, Boçko Obradoviq, u tërhoqën në parkun para Presidencës pas pesëmbëdhjetë minutash, pas së cilës protesta përfundoi.
Siç bëhet e ditur, anëtarët e policisë civile dhe disa anëtarë të njësisë speciale të Ushtrisë serbe “Kobra” qëndruan në hyrje të ndërtesës së Presidencës, por nuk pati incidente midis tyre dhe demonstruesve që iu afruan Presidencës.
Njëri nga organizatorët, Srdjan Milivojevic, tha në fillim, duke iu drejtuar të mbledhurve se në protestë erdhën qytetarë të orientimeve të ndryshme politike, të cilët, siç deklaroi ai, nuk pajtohen me mënyrën në të cilën qeveria luftoi kundër coronavirusit.
Protesta filloi me duartrokitje të mbështetjes për punonjësit e mjekësisë gjatë pandemisë së virusit koronar, dhe vazhdoi në 20.05 duke fryrë bilbilat dhe duke brohoritur kundër presidentit serb Aleksandar Vuçiq.
Duke komentuar protestën para ndërtesës së Presidencës në Beograd, presidenti serb Aleksandar Vuçiq tha se ai ishte “mirëpret demonstratat dhe protestat” sepse, siç deklaroi ai, “shoh atë që ne nuk kemi bërë mirë dhe mund t’i rregullojmë ato në periudhën e ardhshme”. /Telegrafi/