Propozim ligji për Prokurorinë Publike do të dorëzohet sot nga Qeveria në Kuvend. Ministria e Drejtësisë pret që deputetët të paraqesin pikëpamjet e tyre në Kuvend dhe nëse kanë kundërshtime të paraqesin amendamente.
Nga Ministria e Drejtësisë thonë se ata presin mbështetje nga të gjithë deputetët, por është e habitshme ndryshimi i qëndrimit të OBRM-PDUKM-së për propozimin, që Vilma Ruskovska të jetë kryetarja e re e Prokurorisë Publike për ndjekje të krimit dhe korrupsionit.
“Ne presim mbështetje nga të gjithë, veçanërisht kur OBRM-PDUKM, kur i paraqiti në Ministri amendamente të tekstit të mëparshëm të ligjit, sugjeruan që PSP të ishte pjesë e Prokurorisë Publike të Krimit të Organizuar dhe nuk propozonin ndonjë ndryshim të personelit në prokurorinë publike për ndjekje të krimit të organizuar dhe korrupsionit, që praktikisht do të thotë se në tekstin e ligjit është pranuar propozimin i tyre për Prokurorinë Publike të kryesuar nga Ruskovska për të udhëhequr rastet e PSP-së. Tani habit fakti ndryshimi i qëndrimit të tyre”, thonë nga Ministria e Drejtësisë.
Për opozitën OBRM-PDUKM, aktualisht është e papranueshme që prokuroria e re të udhëhiqet nga kryetarja aktuale e Prokurorisë Publike për krim të organizuar dhe korrupsion, Vilma Rusksovska./Telegrafi/