Komisioni për Shëndetësi hodhi poshtë amendamentet e opozitës përmes të cilave kërkohej që çertifikatat për sigurinë e ilaçeve të jenë të detyrueshme vetëm për shtetet të cilat nuk janë pjesë e Bashkimit Evropian.
Opozita me dyshime se përmes këtyre ndryshimeve ligjore të cilat detyrojnë kompanitë që importojnë ilaçe të posedojnë certifikata për garanci të kualitetit të ilaçeve, autoritetet Shëndetësore mund të manipulojnë dhe të favorizojnë kompani të caktuara të cilat importojnë ilaçe.
“Praktika e deritanishme ka treguar se ilaçet të cilat janë sjellë në Maqedoni nga vendet të cilat janë anëtare të BE-së janë me kualitet të mirë, bazuar në këtë propozojmë që certifikata nga analiza e kualitetit të ilaçit të kërkohet vetëm nga vendet të cilat nuk janë anëtare të BE-së”, tha Vesna Penova, Anëtare e Komisionit për Shëndetësi nga radhët e OBRM-PDUKM-së.
Komisioni pranoi amendamentin e propozuar nga mazhoranca të cilët kërkuan që ndryshimet ligjore të precizohen në drejtimin e sigurimit të certifikatave. Propozim ligji së shpejti duhet të gjendet në seancë plenare që i njëjti të gjejë miratimin e deputetëve dhe më pas zbatimin e tij.