Në propozim-buxhetin e Bashkisë së Shkupit janë paraparë dhjetëra milionë euro për fasada baroku, parqe dhe orendi për ndërtesën e re të stilit barok, ndërkaq për përballjen me problemin e ndotjes së ajrit, janë paraparë vetëm 220.000 euro, përcjell Telegrafi Maqedoni.
Pjesa më e madhe e këtyre mjeteve janë për elaborate, kurse vetëm 65.000 janë për subvencione dhe peleta për vitin 2017. Një elaborat për ajrin do të ketë 5000 euro mjete, kurse fasadat do të kenë 16 milionë euro.
Për riparime të shkollave, Bashkia planifikon të ndajë 2.5 milionë euro, për kanalizimin atmosferik 2.4 milionë euro, 14 milionë euro për Shtëpinë e qytetit ku do të transferohet administrata e Bashkisë.
Ky propozim buxhet do të diskutohet në Këshillin e Bashkisë, ku shumica i takon OBRM-PDUKM-së./Telegrafi/
