Kina ka njoftuar së shpejti fillimin e shitjes së naftës me Yuan dhe siç thotë Max Keiser, autor i një programi në kanalin televiziv rus, “Russia Today”, ky veprim paraqet një veprim jashtëzakonisht të guximshëm, sepse sipas tij, “Amerika nuk do të heqë dorë nga ruajtja e hegjemonisë së dollarit, pa luftë”.
Siç shkruajnë mediat ruse, Keiser konsideron se “plani kinez është i guximshëm, sepse të gjitha vendet që po përpiqeshin të kishin diçka të ngjashme, përballeshin me pasoja të tmerrshme”.
“Sadam Husein është përpjekur të tregtojë naftën duke përdorur euron dhe është vrarë, Muammar Gaddafi mendoi që energjinë e tij ta tregtojë në një valutë, e cila nuk është amerikane, kështu që edhe ai është vrarë”, citohet të ketë thënë tutje Keiser.
Kina, nga ana tjetër, sipas tij, ka vendosmërinë dhe resurset për të provuar “dedollarizimin”, dhe ka gjithashtu zotërimin dhe mbështetjen e shteteve të tjera të mëdha që ballafaqohen me kartën financiare amerikane, siç janë Rusia dhe Irani.
“Bravo i qoftë Kinës që e ka nisur këtë projekt”, thotë Keiser dhe deklaron se “tani me të drejtë spekulohet se Kina do të jetë vetë blerësi kryesor në shitjen e aksioneve të kompanisë saudite të naftës ‘Aramko’”.
“Ndoshta do të fillojë një luftë midis Japonisë dhe Kinës, dhe ndoshta (SHBA-të) do të luftojnë edhe me Korenë e Veriut. Amerika do të bëjë gjithçka që mund të mbajë dollarin si monedhë botërore”, konsideron Keiser. /Telegrafi/