Prokurorja e Gjykatës Speciale ka thënë se shumë shpejt pritet që të dorëzohet aktakuza ndaj nënkryetarit të OVL e UÇK-së, Nasim Haradinaj.
“Po punohet që të dorëzohet një aktakuzë ndaj Haradinajt në kohë sa më të shkurtër, së bashku me dokumentet përcjellëse.
Zyra jonë është në procesin e mbledhjes së informacionit nga dëshmitarë të shumtë, të cilët i kanë përcjellur zyrës sonë që ndjehen të frikësuar për shkak të veprave që janë përmendur në arrestimin e Haradinajt.
Paraqitjet publike të të dyshuarve në këto javët e fundit duhet të mblidhen në mënyrë që të kemi dokumentacion të plotë”, tha Prokurorja e Gjykatës Speciale.
Ajo tha se shpreson që shumë shpejt të dorëzojnë aktakuzën, dhe se janë të përkushtuar për një proces të shpejtë. /Telegrafi/