Prokuroria Themelore Publike – Tetovë sot ka kryer hetime në hangarin e ARM-së ku gjatë pastrimi të armëve u lënduan dy ustarë.
Sipas Prokurorisë, ngjarja ka ndodhur kur dy ushtarë pas kthimit nga trajnimi në Shtip, kanë zbritur armën automatike (mitraloz) nga hermelina dhe gjatë momentit të dërgimit të armës në hangar, një ushtar tjetër aksidentalisht ka gjuajtur me një plumb dhe ka lënduar dy ushtarë tjerë”, thonë nga Prokuroria, përcjell Telegrafi Maqedoni.
Prokurori ka biseduar me disa ushtarë tjerë të cilët kanë qenë dëshmitarë të ngjarjes dhe kanë thënë se arma automatike edhe gjatë trajnimeve në Shtip ka pasur probleme dhe disa herë është bllokuar.
“Për zbardhje të plotë të rastit do të kryhet ekspertizë në armën me të cilën janë plagosur ushtarët, ndërsa do të shikohet edhe protokoli i gjithë trajnimeve në Shtip. Në mënyrë shtesë do të bëhet edhe gjithë dokumentimi mjekësor për dy ushtarët, të cilët për momentin janë jashtë rrezikut për jetë”, thonë nga Prokuroria Themelore./Telegrafi/
