Prokuroria Publike Themelore ka dhënë urdhër për ngritjen e procedurës hetimore për vrasje, kundër personit i cili pardje ka shtënë me pushkë automatike drejt J.B. i cili ka marr lëndime të rënda trupore, përcjell Telegrafi Maqedoni.
Ngjarja, siç theksojnë nga Prokuroria Publike Themelore-Shkup, për të cilën ndiqet personi ka ndodhur më 24 shtator të vitit 2018-të, rreth orës 00:05, në rrugën “Dimitrovska” dhe rrugën “Alija Avdoviq” në Shkup kur i dyshuari me përdorimin e armës së zjarrit, pushkë automatike, disa herë ka gjuajtur në drejtim të dëmtuarit J.B. i cili në atë moment ka drejtuar me automjetin e markës “mercedes” i cili ka marr lëndime të rënda trupore.
Pas ngjarjes, i dëmtuari së pari është dërguar në Klinikën Universitare për sëmundje kirurgjike “Naum Ohridski”, ndërsa pastaj për shkak të seriozitetit të lëndimeve të mara ai është dërguar në Qendrën Klinike “Nëna Terezë” në Shkup./Telegrafi/