Prokurori Publik nga Prokuroria Themelore Publike – Shkup sot dha urdhër për zbatimin e masave hetimore kundër një personi, i dyshuar për veprën penale ‘Vrasje’ dhe ‘mbajtje arme pa leje’.
I dyshuari, më 29 prill, sipas Prokurorisë, në shtëpinë e tij në Haraçinë, duke ushtruar dhunë familjare, me paramendim ka vrarë bashkëshorten e tij, njofton Telegrafi Maqedoni.
“Ata pasi janë kthyer nga shëtitja dhe kanë hyrë në dhomën e tyre, janë fjalosur për shkak të mospajtimeve në martesë. Në një moment, i dyshuari 39 vjeçar ka shkuar hapësirat e podrumit në shtëpinë e tij ku e ka mbajtur armën, pistoletë ‘Bereta’ kalibri 7.65 mm. Pistoletën ka vendosur në xhepin e palltos dhe është kthyer në dhomë ku ka qenë bashkëshortja e tij. Që të dy kanë vazhduar fjalosjen, dhe i dyshuari ka nxjerrë pistoletë, ka kërcënuar se do ta vrasë dhe i ka shkrepur një plumb në pjesën e pasme të kokës”, shprehen nga Prokuroria.
Pas ngjarjes, i dyshuari ka dalë nga shtëpia ndërsa bashkëshortja (viktima) ka dhënë shenja për jetë kurse dy dëshmitarët e kanë dërguar në spital, por ajo ka humbur jetën.
I dyshuari është privuar nga liria, ndërsa prokurori publik te gjykatësi në procedurë paraprake pranë Gjykatës Themelore të Shkupit tashmë dorëzoi propozim për caktimin e masës së paraburgimit./Telegrafi/