Gjykimi për ngjarjet të 27 prillit të vitit të kaluar në Kuvend do të vazhdojë nesër në Gjykatën Penale, me dëshmi shtesë nga Prokuroria, përcjell Telegrafi Maqedoni.
Pas pushimit të sotëm të rregullt dëshmi në gjykatë dha Metodija Ilievski, i propozuar nga pala e të akuzuarit Bogdan Ilievski-Batman.
Ai tha se e njihte Bogdanin për shtatë vjet dhe e përshkroi atë si një person të arsimuar, kulturor dhe shumë të ndershëm.
Ilievski tha se ai ishte pjesëmarrës në 50 nga protestat “Për një Maqedoni të përbashkët”, të cilën e cilësoi si një lëvizje pozitive në të cilën u diskutuan veprimet jo të dhunshme për ndryshime që do të ishin më të mira për qytetarët.
“Në një moment, flitej njerëzit po hynin në Kuvend dhe në këtë mënyrë fjalimi u ndërpre. Ne nuk supozuam se kjo do të ndodhte, as nuk ishte qëllimi ynë, dhe se ata të gjithë ishin të tronditur”, tha Ilievski.
Në seancë jepen provat shtesë të shkruara nga pala mbrojtëse e të akuzuarve Goran Gjoshevski-Levi dhe Abdylfeta Alimi, çka duhet të dorëzoj MPB./Telegrafi/