Ka nisur konferenca e për ecurinë e çështjes në çështjen kundër Salih Mustafës, nga Dhomat e Specializuara. Mustafa nuk është i pranishëm në seancë.
Përfaqësuesit e Prokurorisë kanë thënë se procesi i nxjerrjes së materialve pothuajse ka mbaruar.
“Procesi i nxjerrjes së materialeve pothuajse ka mbaruar dhe do të përfundoj afërsisht brenda dy javëve më 15 shkurt 2021”, kanë thënë përfaqësuesit e Prokurorisë.
Ata më tej kanë thënë se dosjen do ta dorëzojnë më 15 shkurt, dhe mendojnë që çështja ndaj Mustafës duhet të fillojë më 15 mars 2021.
Më tej Prokuroria e Dhomave të Specializuara, ka bërë të ditur se kanë nxjerrë edhe disa prova tjetra dhe se presin të shtojnë edhe një dëshmitarë në listën e dëshmitarëve për çështjen e Salih Mustafës.
“Prokuroria i ka përfunduar në përgjithësi nxjerrjen e materialeve. Më 29 janar 2021, Prokuroria nxori një provë tjetër që është nxjerra e materialve me numër 30. Prokuroria do të shtoj edhe një dëshmitar në listën e saj, ky dëshmitar është intervistuar dhe tani po shqyrtohen provat e tij”, kanë thënë prokurorët.
Më tej është thënë se mund të ketë shtesë rreth 12 prova që do ti shtojnë te lista e materialeve, duke theksuar se janë materiale si shembull intervista që janë bërë kohët e fundit nga Prokuroria apo janë përpunuar. Po ashtu edhe se do të nxirren prova shfajësuese, siç janë nxjerrë disa. /Telegrafi/