Prokurori Publik nga Prokuroria Themelore Publike Kavadar ka lëshuar Urdhër për zhvillimin e procedurës hetimore ndaj një 19-vjeçari i dyshuar për veprën penale “Ndërmjetësim në ushtrimin e prostitucionit” të dënuar nga neni 191 paragrafi 3 në lidhje me paragrafin 1 të Kodit Penal.
Gjatë dy muajve të fundit, i dyshuari ka rekrutuar dhe joshur të dashurën e tij të mitur në prostitucion, në mënyrë që përmes llogarisë së saj në Instagram, në të cilën kishte qasje, ka shkruar në emër të saj dhe ka organizuar takime me disa persona. Më pas ai e detyroi atë që të shkonte në takime dhe të kryente marrëdhënie seksuale me njerëzit për para dhe t’ia jepte paratë të dyshuarit.
Meqenëse ekzistojnë rrethana se i dyshuari mund të arratiset apo se do të tentojë të ndikojë te dëshmitarët, prokurori publik kompetent ka sugjeruar që të caktohet masa e paraburgimit./Telegrafi/
