Pas disa vitesh hetime, më në fund janë ngritur 12 akuza për rastin e Tamara Dimovskës nga Velesi, e cila vdiq duke pritur përgjigje për mbështetje institucionale për shërim jashtë vendit.
Gjykata Themelore Shkupi 1 i ngarkon penalisht 12 persona për veprën penale “papërgjegjshmëri në punë në shërbim”, përcjell Telegrafi Maqedoni.
Në grupin e të akuzuarve nuk është i përfshirë ish-ministri i Shëndetësisë, Nikolla Todorov, ndaj të cilit u tentua atentat nga gjyshi i Tamarës, por që dështoi.
Nga të gjitha hetimet gjithëpërfshirëse, vetëm për tre persona nuk është ngritur asnjë akuzë, dhe hetimet ndaj tyre kanë marr fund.
Hetimet janë kryer në Fondin për Sigurim Shëndetësor dhe Ministrinë e Shëndetësisë, Klinikën universitare dhe institucionet tjera që ndërlidhen me këtë rast./Telegrafi/
*Foto nga protesta për Tamarën