Prokuroria i kërkoi të enjten Gjykatës së Elbasanit masën e dënimit burg përjetë për Haki Miskën, i cili akuzohet për katër vrasje makabre, tre prej të cilëve ishin familjarët e tij më të ngushtë.
Viktima e parë e monstrës Miska është bashkëshortja e tij, Mimoza Miska, të cilën pasi e ka torturuar mizorisht, e ka goditur me kazmë e mjete të tjera, duke e lënë të vdekur.
Viktima e dytë e Haki Miskut është Gani Bruku, njerku i tij. Vrasja e njerkut ka ndodhur në prill 1995, pas një konflikti ku Bruku e akuzonte Miskun si vrasësin e gruas së tij. Viktima e tretë e monstrës Misku është mësuesi Qamil Luka. Shkaku i këtij krimi ka qënë xhelozia që Misku ka pasur ndaj drejtorit gjë që e shtyu dhe në torturimin dhe më pas në vrasjen e tij.
Viktima e katërt dhe e fundit ndërkohë ka qënë nëna e vetë monstrës Dije Miska, e cila ishte një prej ‘bashkëpunëtoreve’ të djalit të saj, pasi ajo më vonë u zbulua nga vetë rrëfimi i të birit se ka pasur dijeni për krimet e 50-vjeçarit. Pas debatit mes tyre për probleme familjare, ai e ka goditur të ëmën me sëpatë, duke e lënë të vdekur në vend. Në këtë konflikt ai ka goditur duke lënë të plagosur rëndë edhe vajzën e tij 18-vjeçare, raportoi BW./Telegrafi/