Prokurorët që ishin të lidhur me hetimet ndaj Donald Trumpit, janë shkarkuar nga administrata e tij.
Dhjetëra prokurorë u pushuan nga puna nga departamenti i Drejtësisë, thuhet në kumtesën për media, transmeton Telegrafi
Një zyrtar i tha agjencisë së lajmeve Reuters se prokurori i përgjithshëm në detyrë James McHenry, kishte përcaktuar se prokurorëve “nuk mund t’u besohej zbatimi besnik i agjendës së presidentit, për shkak të rolit të tyre të rëndësishëm në ndjekjen penale të presidentit”.
Shumë nga ata që u prekën nga shkarkimet e djeshme, përfshinin ata që kishin punuar me ish-këshilltarin special Jack Smith – i cili udhëhoqi dy hetime ndaj Trumpit përpara se të largohej pas kthimit të tij në Shtëpinë e Bardhë.