Pas një karrierë të gjatë si instrumentist, Robert Berisha vendosi të nisë rrugëtimin edhe prej këngëtari.
Ai njihet për bashkëpunimin e ngushtë që ka pasur me këngëtarin e njohur, Sinan Vllasaliu dhe thotë se gjatë këtyre viteve ka menduar shpesh të fillojë edhe të këndojë, raporton emisioni “Express” në KTV.
Roberti shtoi se nuk ka menduar fare nëse ky është momenti i duhur ose jo për të debutuar, thjesht e ka bërë këtë.
Tashmë këngëtari, sapo e ka publikuar këngën e tij të parë, “MIA”, e cila është duke u pëlqyer. Ai në korrik do të vijë me këngën e radhës, ndërsa ka premtuar edhe shumë projekte të tjera.
