Profesori universitar Armend Muja për emisionin “Debat Plus” në RTV Dukagjini ka bërë një projeksion të rezultatit të zgjedhjeve në Shtetet e Bashkuara të Amerikës.
Muja thotë se rezultatet e këtij projeksioni vijnë nga dhjetëra mijëra sondazhe që janë bërë në Amerikë për këtë garë.
“Deri sot, mesatarja e të gjitha sondazheve që kanë bërë matjen e opinionit në SHBA tregojnë se 52.52 % e votuesve mbështesin Biden, 44 % janë për Trump ndërsa pjesa tjetër janë votues të partive të vogla ose janë të pavendosur”, tha ai, përcjell Telegrafi.
Muja thotë se votuesit tjerë vështirë se mund ta ndryshojnë rrjedhjen e garës.
Analisti thotë se në bazë të probabilitetit Gjasat e Bidenit janë shumë të mëdha për të qenë president në krahasim me Trump-in.
Muja thotë se në SHBA dallon vota popullore me atë elektorale.
“Në zgjedhjet e fundit Hillary Clinton fitoi me votë popullore por humbi me votë elektorale”, tregon ai.
Analisti thotë votat e serbëve në Pensilvani apo Wisconsin nuk mund të bëjnë kthesë në favor të Trumpit.
“Grenell po synon që në këto shtete të mobilizojë votat e serbo-amerikanëve për Trump-in”.
Muja thotë se votuesi shqiptarë zakonisht në New York zakonisht kanë votuar republikanët ndërsa në shtetet tjera demokratët./Telegrafi/