Katherine Marie Heigl u lind më 24 nëntor të vitit 1978.
Ajo është një aktore amerikane, producente filmash dhe një modele. Luajti në filma dhe seriale të shumta, ku u dëshmua aftësia e saj prej një aktoreje të suksesshme amerikane.
Katherine fitoi çmime të shumta, nominime të panumërta, por disa herë është zgjedhur edhe si aktorja më e urryer për shkak të qëndrimit të saj të lartë.
Ajo startoi karrierën e saj si një modele për modelet Uilhelmina, para se të merrte vëmendjen e saj në fushën e kinematografisë. Ajo bëri debutimin e saj të parë në vitin 1992 në filmin That Night.
Por fama e saj mori kahje tjetër kur mori pjesë në serialet televizive si My father the Hero, Grey’s Anatomy dhe shumë seriale të tjera. Ajo qe pjesë e kopertinave të revistave më prestigjioze anë e mbanë botës. Është e martuar me këngëtarin Josh Kelley, me të cilin ka dy vajza të cilat i ka adaptuar.
Nëse klikojmë me emrin e saj në internet, mund të vërejmë se dalin më shumë se 500 mijë faqe ku përmendet emri i saj dhe fjala urrejtje. E sigurisht që gjithkujt i intereson të dijë se përse është kaq e urryer?
Fillimisht për dëshirën e saj për të qenë protagoniste kudo, ndërsa është cilësuar edhe si një person hipokrit që vazhdon të jetë konsumuese e duhanit. Producentët e serialit ‘Grey’s Anatomy’ e kishin cilësuar vajzën si një aktore me talent të jashtëzakonshëm por e padurueshme, për shkak të ankesave dhe kërkesave që ka vazhdimisht.
Për më shumë detaje, shikojeni profilin e përgatitur nga RTV Dukagjini.
https://www.youtube.com/watch?v=EHFzm4zaiNc&feature=youtu.be