Coretta Scott ishte në Boston, ku studionte për t’u bërë një soliste koncertesh kur u martua me Martin Luther King, Jr.
Takimin ua kishin rregulluar miqtë e tyre, ndërkohë që këta të dy nuk e njihnin njëri tjetrin.
Coretta për pak e anuloi takimin duke menduar se një pastor baptist nuk do të ishte shumë zbavitës. Martin i propozoi që në takimin e parë duke i thënë “Ti ke gjithçka që kam dashur tek bashkëshortja ime e ardhshme, karakterin, inteligjencën, personalitetin dhe bukurinë”.
Coretta Scott King ishte një femër amerikane e cila luftonte për të drejtat e njerëzimit dhe gruaja e të madhit Martin Luther King. Ajo krijoi një karrierë të shquar duke pasur një jetë aktive për të luftuar për të drejtat e barabarta.
Duke punuar pranë bashkëshortit, ajo mori pjesë në bojkotin e Montgomory dhe punoi për aktin e të drejtave civile. Pas vdekjes së Martin Luther King, ajo hapi qendrën për ndryshime paqësore sociale në Atlanta.
Coretta u lind më 27 prill të vitit 1927 në Marion të Alabamës. Në jetën e saj të hershme, ishte e njohur për një vokal të mrekullueshem duke pasur talent edhe në violinë ku luante në aktivitetet që i organizonte.
