Kryeministri i Kosovës, Hashim Thaçi në hapjen e këtij manifestimi tha se Qeveria do ta ndihmoi biznesin dhe bëri thirrje për konsum të produkteve vendore. “Promovimi i produkteve vendore mbetet e prioritet i Qeverisë së Kosovës. Me zhvillimin e sektorit privat do të ketë rrije ekonomike dhe ulje të papunësisë edhe në aspektin afatgjatë”, tha kryeministri Thaçi.
Kryetari i AKB-së, Agim Shahini tha se synim i tyre është rritja e konsumit të produkteve vendore. “Motoja e javëve të biznesit është konsumimi i produkteve vendore duke e zëvendësuar importin”, tha Shahini.
Ndërkaq, Ministri i MTI-së Lutfi Zharku, tha se prodhimet vendore do ta zvogëlojnë importin dhe do ta rrisin ekonominë e Kosovës.
Produktet vendore do të ekspozohen e dhe në katër qendra të tjera të vendit. /Telegrafi/