Zog Mobile rikthehet me çmimet më të lira në treg. Përveç kësaj, tani të gjitha produktet dhe shërbimet e Zog Mobile, do të shiten nëpër dyqanet e IPKO-së, kudo në Kosovë.
IPKO ka njoftuar se tashmë të gjitha produktet dhe shërbimet e Zog Mobile, sikurse mbushjet, regjistrimi i numrave dhe SIM kartelat do të mund të gjenden nëpër secilin nga 19 dyqanet zyrtare të IPKO-së dhe kudo tjetër në Kosovë.
Zog Mobile është krijuar nga IPKO për të ofruar shërbime të thjeshta për të gjithë ata që synojnë shërbime për komunikim bazik me të dashurit e tyre.
Robert Erzin, Drejtor Ekzekutiv i IPKO-së ka thënë se Zog Mobile gjithmonë do të mbetet i thjeshtë dhe i lehtë për t’u përdorur, ndërsa ka shtuar se IPKO do të jetë ajo që fokusohet në teknologjitë dhe inovacionet e fundit.
“IPKO gjithmonë do të jetë e ardhmja, dhe e fokusuar që teknologjitë dhe inovacionet e fundit, t’i sjellë e para në treg, për dallim prej ZOG Mobile që gjithmonë do të jetë i thjeshtë, i lehtë për tu përdorur dhe mbështetës ndaj rritjes së kompanisë IPKO në treg”, ka thënë Erzin.
Zog Mobile, është brendi më i lirë në tregun e telefonisë mobile në Kosovë, duke ofruar thirrje dhe SMS për vetëm pesë centë në minutë me të gjithë operatorët kosovarë. /Telegrafi/