Asociacioni qytetar për ndjekje të procesit zgjedhor, MOST ka dalë me konferencë për shtyp për të treguar procesin e votimit për referendumin për emrin, njofton Telegrafi Maqedoni.
“Hapja e kutive dhe vendvotimeve ka kaluar pa probleme. Gjithçka është duke shkuar sipas rregullit, brenda dhe jashtë vendvotimeve. Sipas informacioneve të vëzhguesve, janë hapur të gjithë vendvotimeve. Deri tani është vërejtur se në fshatin Pribillci, vendvotimi numër 0631, ka grafit me përmbajtje ofenduese që është vizatuar natën e kaluar. Në një vendvotim në Strumicë, procesi është ndaluar për 50 minuta pas problemeve me llampën ultravioletë për nevoja të kontrollit të shenjave në gishta. Gjatë ditës, qytetarët mund të paraqesin parregullsi në numrin falas 080080080” thanë nga MOST.
Nga MOST njoftojnë se në ora 13:00 do të ketë konferencë për shtyp ku do të tregohet për procesin dhe daljen e qytetarëve. /Telegrafi/
