Mesfushori i Interit, Marcelo Brozovic ka humbur lejen e vozitjes pasi u kap duke ngarë veturën në gjendje të dehur.
Problemet e Interit kanë kaluar edhe jashtë fushës përveç atyre që tashmë po shihen në fushën e blertë me rezultate negative.
Sipas gazetës Corriere della Sera, policia e ndoqi Brozovicin me veturën e tij Rolls Royce Cullinan në orët e para të mëngjesit të së shtunës pasi ai kaloi një semafor me dritë të kuqe në qytetin e Milanos.
Report: Brozovic done for drink-driving: Inter midfielder Marcelo Brozovic has lost his driving licence after being caught drink-driving, reports Corriere della Sera. https://t.co/OwZzjQO2hr
— InterMilan_MP (@InterMilan_MP) July 12, 2020
Pas ndaljes, mesfushori kroat u detyrua të frynte në instrumentin për matjen e alkoolit dhe u vërtetua një përmbajtje alkooli mbi kufirin e lejuar ligjor.
Il Corriere gjithashtu pretendon se 27-vjeçari ishte duke garuar me një veturë me targa gjermane para ndaljes nga policia.
Tani mbetet të shihet nëse Antonio Conte do ta thërrasë atë për ndeshjen e Interit kundër Torinos nesër (e hënë). /Telegrafi/