Publikohet momenti i tmerrshëm kur dy parashutistë janë parë duke rënë drejt tokës pasi parashutat nuk funksionuan siç duhet.
Pamjet nga incidenti në Titusville, Florida tregojnë se si burrat po “zbrisnin” me shpejtësi para se të godisnin tokën, në Tennessee Street, shkruajnë mediat e huaja, përcjell Telegrafi.
Në një video të regjistruar nga dëshmitarët aty pranë, shikuesit e tronditur dëgjohen duke thënë në mosbesim, ‘oh Zoti im’.
Kanë qenë ekipet e shpëtimit që i janë përgjigjur një incidenti të tillë, në oborrin e dikujt, rreth orës 10.28 të mëngjesit.
Një helikopter shëndetësor u fotografua duke punuar në zonën e cila ishte e mbuluar me pajisje mjekësore.
Autoritetet kanë vlerësuar ‘punën e shkëlqyeshme në ekip’ nga departamentet e shpëtimit për t’i larguar të dy pacientët të cilët thuhet se janë në një qendër traumash në gjendje kritike.
Sipas Departamentit të Policisë Titusville të dy viktimat, ishin pjesë e një kërcimi tandem nga një aeroplan që ishte ngritur nga Dunn Airpark ndërsa autoritetet kanë filluar hetimet rreth aksidentit. /Telegrafi/