Fansat e Napolit janë duke përgatitur një pritje jo të mirë për Gonzalo Higuainin që tashmë luan me Juventusin.
Sulmuesi argjentinas u bashkua me Zonjën e Vjetër në fillim të këtij sezoni për një shumë të madhe prej 90 milionë euro, që është rekord në Serie A.
Kjo lëvizje nuk është pritur aspak mirë nga tifozët e Napoli, që prej verës nuk kanë kursyer kritikat për lojtarin.
Tani tifozët e Napolit kanë përgatitur letra tualeti me fytyrën e lojtarit që janë duke i shitur nëpër rrugë të qytetit.
Juventusi është duke e dominuar futbollin italian në pesë vitet e fundit dhe kanë para më shumë se çdo skuadër në këtë shtet.
Higuain me Napolin kishte shënuar 36 gola në 35 ndeshje sezonin e shkuar, duke u kthyer në një idhull për tifozët napolitanë.
Sulmuesi deri më tani ka shënuar 19 gola dhe skuadra e tij me të në krye kanë venë njërën dorë mbi trofe.
Juventusi është para Romës tetë pikë, ndërsa para Napolit 10 pikë. /Telegrafi/