Ministria e Ekonomisë do të bëjë ndryshime ën Ligjin për tregti me të cilat ndryshime do të hiqet kufizimi i shitjes së alkoolit pas orës 19:00, respektivisht 21:00, përcjell Telegrafi Maqedoni.
Gjithashtu, shitja e alkoolit do të lejohet të bëhet edhe nëpër kiosqe. Të dhënat për këto ndryshime janë prezantuar në seancë qeveritare, dhe vijnë si rezultat i bisedave dhe vizitës te kompanitë në kuadër të projektit ”Mësojmë nga bashkësia afariste”.
Ndryshimet duhet të ndodhin brenda dy muajve dhe janë të përputhura me propozimet e odave ekonomike. Ligji i tanishëm ndalon shitjen e alkoolit pas orës 19:00 gjatë dimrit, dhe 21:00 gjatë verës./Telegrafi/