Ministria e Punës dhe e Politikës Sociale (MPPS) disa herë u ka bërë thirrje Romëve nën kala të Shkupit që të zhvendosen në fshatin Çiçino, por sipas ministrisë kjo ofertë është refuzuar. TV21 udhëtoi për të parë objektin e ri nga afër, mirëpo rojtari që po qëndronte te dera, nuk i lejuan gazetarët afër objektit, përcjell Telegrafi Maqedoni.
Njëra prej 5 pikave për zgjidhjen e problemave të Romëve nën kala të Shkupit që prezantoi MPPS-ja është edhe Akomodimi në Kazermën Ilinden.
“Ne si ministri kemi bërë pesë pika, ku mendojmë që sa më shpejt të zgjidhim problemin, konsiderojmë që kjo të kontribuonte që situata të përmirësohej përkohësisht para vendosjes së këtyre personave në Kazermën Ilinden, që ndodhet afër vendit ku ata momentalisht jetojnë. Do të shohim se a ka banesa sociale që janë të lira me qëllim që tua ofrojmë atyre”, tha Mabera Kamberi, drejtuese e sektorit koordinues pran Ministrisë MPPS.
Tv21 kontaktoi me edhe Ministrinë e Mbrojtjes. Nga atje na informuan se ende nuk ka asgjë konkrete për zhvendosjen e Romëve në atë Kazermë dhe se ende nuk ka ndonjë plan të detajuar. Nga MPPS-ja theksuan se personat nën kala nuk do ti zhvendosin me forcë dhe se këtë problem do ta zgjidhin përmes dialogut./Telegrafi/
