Cvetanka Ivanova, juriste dhe ish-deputete e Lidhjes Social-Demokrate të Maqedonisë, është propozuar të zë vendin e Sekraterit të Përgjithshëm të Kuvendit të Maqedonisë.
Emërimi i saj është përfshirë në rendin e ditës të Komisionit kuvendor për çështje zgjedhore dhe emërime, kurse në rend dite janë edhe emërimi i zëvendësuesve të sekretait të përgjithshëm, si edhe të anëtarëve të Komisionit për marrëdhënie ndërmjet bashkësive, si edhe vendime tjera.
Përndryshe, në Kuvend u mbajt takimi i rregullt i bashkërenduesve të grupeve kuvendore me kryekuvendarin Talat Xhaferi, por munguan përfaqësuesit e dhjetë grupeve kuvendore të OBRM-PDUKM-së.
Ndonëse Xhaferi ka pranuar krijimin e dhjetë grupeve kuvendore të kësaj partie, sërish bojkotimi i tij vazhdon edhe më tej./Telegrafi/