Mbase ai nuk e ka menduar se kjo do të mund t’i ndodhte, por kontakti i sërishëm me drogën e rëndoi edhe më shumë.
Ai pësoi aksident në moshën 24-vjeçare dhe ky aksident u bë shkas i rikthimit te dashuria e parë “famëkeqe”.
Dhimbjet që i përjetoi nga aksidenti veç se iu shtoheshin dhe ilaç të vetëm e konsideroi drogën, por barra e pendimit ishte më e madhe se dhimbjet që përjetoi.
Për 7-8 muaj, fshehurazi familjes ai konsumoi drogën dhe siç e përshkruan ai “qateher e kom pas vështirë dy ditë kom hallakat Prishtinën deri kom gjet”.
Frika se mos do ta humbiste familjen e shpëtoi atë nga droga, sepse në të kundërtën nëse ata do ta kuptonin, do t’i shkëpusnin të gjitha kontaktet me të,raporton RTV21.
Kjo e shtyu atë drejt vendimit që ta ndërpriste kontaktin me drogën, e cila shitej me çmim më të lirë sesa para luftës.
Para luftës 1 gram kushtonte 100 marka, ndërkaq pas luftës 1 gram kushtonte 25 euro.
Ai tregon se brenda ditës i ka shpenzuar deri në 200 euro për të blerë heroinë.
Prishtinasi (emër i njohur për redaksinë) tregoi për rtv21.tv se ndjehet shumë i penduar që ka konsumuar heroinë, sepse siç thotë ai droga u bë shkas që prindërit e tij të fitojnë sëmundje, babai vuan nga kanceri ndërsa e ëma nga tensioni.
I gjithë ky përjetim i prishtinasit i dha atij mesazhin më të fuqishëm në jetë, “familja para së gjithash”.
Ai u martua në moshën 36-vjeçare me një femër shqiptare që jetonte jashtë vendit.
Tashmë kanë një djalë dhe me dashuri të madhe u shpreh për ta kur tha se “nuk i kisha ndrru me kurgjo n‘kit botë”.
“Mos te provojnë asnji drogë të rit, droga të mirë nuk ka”, e përmbylli rrëfimin e tij Prishtinasi, që ia mori vitet më të mira të rinisë, por edhe e drejtoi aty ku është sot, i lumtur pranë familjes.
