Prishtina ka arritur të shënojë fitoren e radhës me rezultat të thellë 3-0 ndaj KEK-ut.
Skuadra që nuk ka ambicie këtë sezon udhëtoi megjithatë shumë e motivuar në stadiumin e ri, “Fadil Vokrri” duke performuar për herë të parë në terenin e nivelit ndërkombëtar.
Kështu, përkundër iniciativës së Prishtinës, pjesa e parë ishte e baraspeshuar me përjashtim të minutave të fundit të pjesës së parë.
Së pari Korenica, e më pas Morina, patën dy mundësi për shënim të cilat nuk i realizuan.
Në pjesën e dytë Prishtina u tregua më konkrete në atë që do të duhej të ishte patjetër fitore e radhës për vendasit.
Basit Khalidi vazhdoi me formën e mirë duke shënuar gol spektakolar nga distanca pas 52 minutash lojë.
Ky gol bëri që Prishtina të luaj edhe më qetë dhe të rrisë dominimin. Një asistim nga Meriton Korenica e gjen Mario Morinën dhe sulmuesi shqiptar realizoi për 2-0 duke shënuar golin e dytë rresht dhe të dytin këtë edicion (68’).
Në fund të ndeshjes i inkuadruari në lojë, Mërgim Pefqeli, shënoi gol për 3-0 dhe rezultatin përfundimtar të këtij takimi (88’).
Me këtë fitore Prishtina ka 21 pikë, dy pikë më pak se Feronikeli që të dielën i shkon Gjilanit në duelin më të fortë të kësaj jave. /Telegrafi/